پاکستان سٹاک مارکیٹ میں کاروبار کے دوران مثبت رجحان

کراچی: پاکستان سٹاک ایکسچینج (PSX) میں کاروباری ہفتے کے پانچویں اور آخری روز مثبت رجحان غالب آ گیا، جہاں سرمایہ کاروں کی خرید و فروخت کی بدولت KSE-100 انڈیکس میں تیزی دیکھی گئی ہے۔

کاروباری سیشن کے دوران سٹاک مارکیٹ میں زبردست پیش رفت دیکھنے میں آئی اور ہنڈرڈ انڈیکس 300 سے زائد پوائنٹس کے اضافے کے ساتھ ایک لاکھ 77 ہزار 700 (177,700) پوائنٹس کی حد عبور کر گیا۔ مارکیٹ ذرائع کے مطابق خریداروں کی بڑھتی ہوئی دلچسپی نے انڈیکس کو مسلسل مثبت زون میں رکھا ہوا ہے۔

واضح رہے کہ گزشتہ کاروباری روز کے اختتام پر پاکستان سٹاک ایکسچینج میں ہنڈرڈ انڈیکس معمولی کمی کے ساتھ ایک لاکھ 77 ہزار 322 (177,322) پوائنٹس کی سطح پر بند ہوا تھا۔