مشعال ملک کا پمز ہسپتال کے اندر جانے کی اجازت نہ ملنے پر احتجاج

حریت رہنما یاسین ملک کی اہلیہ مشعال ملک نے اپنی بیٹی کے ہمراہ پمز ہسپتال اسلام آباد کا دورہ کیا، جہاں انتظامیہ کی جانب سے اندر جانے کی اجازت نہ ملنے پر انہوں نے شدید احتجاج کیا۔ میڈیا سے گفتگو کرتے ہوئے مشعال ملک کا کہنا تھا کہ 14 معصوم بچوں کے ضیاع پر پورا پاکستان غمزدہ ہے لیکن انہیں اور ان کی بیٹی کو وارڈ میں جانے سے روکنا انتہائی افسوسناک ہے۔ انہوں نے اس دردناک سانحے کو حکومتی اور انتظامی غفلت کا نتیجہ قرار دیتے ہوئے وزیرِ صحت سے فوری استعفے کا مطالبہ کیا اور کہا کہ پمز ہسپتال کی ناقص کارکردگی اور غفلت کا سلسلہ طویل عرصے سے جاری ہے۔