چائے یا کافی دماغی بیماری کے خطرات میں کمی لا سکتی ہے: تحقیق

امریکن میڈیکل ایسوسی ایشن کے جریدے میں شائع ہونے والی ایک طویل المدتی تحقیق کے مطابق، روزانہ معتدل مقدار میں کیفین والے مشروبات کا استعمال ڈیمینشیا (نسیان) کے خطرے کو نمایاں طور پر کم کر سکتا ہے۔ 1980 سے 2023 تک جاری رہنے والے اس مطالعے میں ایک لاکھ 31 ہزار سے زائد مرد و خواتین کا جائزہ لیا گیا، جس کے نتائج سے یہ بات سامنے آئی کہ کیفین والی کافی اور چائے پینے والے افراد میں ذہنی زوال کی علامات دیگر کے مقابلے میں کم تھیں۔

تحقیق کے مطابق، نرسز ہیلتھ اسٹڈی اور ہیلتھ پروفیشنلز فالو اپ اسٹڈی کے شرکا میں کافی کے زیادہ استعمال کا تعلق بہتر ذہنی کارکردگی اور یادداشت کی مضبوطی سے پایا گیا۔ ماہرین کا کہنا ہے کہ غذائی سوالناموں کے ذریعے جمع کیے گئے ڈیٹا سے یہ ثابت ہوا کہ کیفین نہ صرف ڈیمینشیا کے خطرے کو ٹالتی ہے بلکہ بڑھتی عمر کے ساتھ ذہنی صلاحیتوں کو برقرار رکھنے میں بھی مددگار ثابت ہوتی ہے