اداکارہ انوشکا 7 برس بعد فلموں میں جلوہ گر ہونے کو تیار

الی وڈ اداکارہ انوشکا شرما تقریبا سات سال بعد جلد ہی دوبارہ سکرین پر دکھائی دیں گی لیکن اس بار ان کی نئی فلم سینماؤں کے بجائے نیٹ فلیکس پر ریلیز ہوگی۔
شوبز ویب سائٹ کے مطابق خبریں ہیں کہ انوشکا شرما کی سپورٹس بائیوگرافیکل فلم ’چکڑا ایکسپریس‘ جلد ہی نیٹ فلیکس پر ریلیز کردی جائے گی۔
مذکورہ فلم کی شوٹنگ کافی عرصے سے مکمل ہو چکی ہے، تاہم فلم کے مناظر اور پوسٹ پروڈکشن کے حوالے سے نیٹ فلیکس اور پروڈکشن کمپنی کے درمیان اختلافات کی وجہ سے اس کی ریلیز تاخیر کا شکار رہی ہے۔رپورٹ میں بتایا گیا کہ نیٹ فلیکس کو خصوصی طور پر فلم کے اختتامی حصے کی پروڈکشن پر اعتراضات ہیں لیکن اب ایسا لگتا ہے کہ پروڈکشن کمپنی اور نیٹ فلیکس کے درمیان معاملات طے پا چکے ہیں اور جلد فلم کو ریلیز کیے جانے کا امکان ہے۔فلم میں انوشکا شرما کرکٹر کے روپ میں نظر آئیں گی، انہوں نے بھارتی کرکٹر جھلن گوسوامی کا کردار ادا کیا ہے، جو بھارتی کرکٹ ٹیم میں 2002 سے 2022 تک رہیں، جھلن گوسوامی کا تعلق ریاست مغربی بنگال کے چھوٹے قصبے ’چکڑا‘ سے تھا، اس لیے فلم کا نام بھی ان کے شہر پر رکھا گیا ہے۔