اے آئی غلط ہاتھوں میں چلی گئی تو اربوں زندگیوں کیلئے خطرہ بن سکتی ہے: بل گیٹس

مائیکروسافٹ کے بانی اور معروف ٹیکنالوجیویسٹ بل گیٹس نے مصنوعی ذہانت (اے آئی) کے تیزی سے بڑھتے ہوئے غلط استعمال کے حوالے سے دنیا کو ایک بار پھر سخت ترین الفاظ میں خبردار کیا ہے اور اس ٹیکنالوجی پر قابو پانے کے لیے فوری اور سخت اقدامات اٹھانے کا مطالبہ کیا ہے۔

مصنوعی ذہانت کے ممکنہ خطرات پر کھل کر بات کرتے ہوئے بل گیٹس کا کہنا تھا کہ اگر اے آئی جیسی طاقتور ٹیکنالوجی غلط ہاتھوں میں چلی گئی تو یہ دنیا بھر میں اربوں انسانی زندگیوں کے لیے ایک سنگین خطرہ بن سکتی ہے۔ انہوں نے تشویش ظاہر کی کہ کچھ عناصر اس جدید ٹیکنالوجی کو ایسے خوفناک ہتھیاروں میں تبدیل کر سکتے ہیں جن کی مثال تاریخ میں پہلے کبھی نہیں دیکھی گئی۔

اس خطرناک صورتحال سے نمٹنے کے لیے بل گیٹس نے تمام حکومتوں پر زور دیا ہے کہ وہ اس ٹیکنالوجی کی کڑی نگرانی کریں اور اس کے غلط استعمال کو روکنے کے لیے سخت سے سخت قوانین اور ضابطے وضع کریں تاکہ انسانیت کو اس کے ممکنہ نقصانات سے محفوظ رکھا جا سکے۔