بلاول بھٹو کی گڑھی خدا بخش میں شہدائے جمہوریت کے مزارات پر حاضری

پاکستان پیپلز پارٹی کے چیئرمین بلاول بھٹو زرداری نے گڑھی خدا بخش میں شہدائے جمہوریت کے مزارات پر حاضری دی اور فاتحہ خوانی کی۔

چیئرمین پیپلز پارٹی نے قائدِ عوام شہید ذوالفقار علی بھٹو اور دخترِ مشرق شہید محترمہ بینظیر بھٹو کے مزارات پر پھولوں کی چادریں چڑھائیں اور فاتحہ خوانی کی۔ انہوں نے ملک و قوم کی ترقی، جمہوریت کے استحکام اور شہدا کے درجات کی بلندی کے لیے بھی دعا کی۔

علاوہ ازیں، بلاول بھٹو زرداری نے شہید میر مرتضیٰ بھٹو، شہید میر شاہنواز بھٹو اور مادرِ جمہوریت بیگم نصرت بھٹو کے مزارات پر بھی حاضری دی اور پھول نچھاور کر کے فاتحہ خوانی کی۔