پولیس وردی میں ملبوس افراد اور سی سی ڈی کے درمیان مبینہ مقابلہ، تمام ملزمان گرفتار

تھانہ سٹی کے علاقے جھنگ روڈ پر واقع جھمرہ چوک میں کرائم کنٹرول ڈیپارٹمنٹ (CCD) کے اہلکاروں اور پولیس کی وردی میں ملبوس اشتہاری ملزمان کے درمیان مبینہ فائرنگ کا تبادلہ ہوا، جس کے بعد تمام ملزمان کو گرفتار کر لیا گیا ہے۔

ذرائع کے مطابق، کالے رنگ کی کار میں سوار پولیس کی وردی پہنے اشتہاری ملزمان نے جھمرہ چوک میں سی سی ڈی کے اہلکاروں کو دیکھتے ہی سرعام فائرنگ شروع کر دی۔ سی سی ڈی کے اہلکاروں نے بروقت اور مؤثر جوابی کارروائی کی، جس کے دوران فائرنگ کی زد میں آ کر ایک اشتہاری ملزم اپنے ہی ساتھی کی گولی لگنے سے شدید زخمی ہو گیا۔

شدید فائرنگ کے تبادلے کے دوران سی سی ڈی اہلکاروں کی سرکاری گاڑی متاثر ہوئی جبکہ ملزمان کی کار کا ٹائر بھی فائرنگ کی زد میں آ کر پھٹ گیا۔ اس کے باوجود سی سی ڈی اہلکاروں نے حواس برقرار رکھتے ہوئے کامیاب آپریشن کیا اور زخمی اشتہاری سمیت کار میں سوار تمام ملزمان کو موقع پر ہی حراست میں لے کر اسلحہ برآمد کر لیا