عظمیٰ بخاری نے ستھرا پنجاب منصوبے کے ہیروز کی ویڈیو شیئر کر دی

وزیر اطلاعات پنجاب عظمیٰ زاہد بخاری نے سوشل میڈیا پر ‘ستھرا پنجاب’ منصوبے کے محنت کشوں کو خراجِ تحسین پیش کرتے ہوئے ایک خصوصی ویڈیو پوسٹ کی ہے۔

سماجی رابطے کی ویب سائٹ ایکس (سابقہ ٹوئٹر) پر اپنے پیغام میں عظمیٰ بخاری کا کہنا تھا کہ وزیراعلیٰ پنجاب مریم نواز شریف کا ‘ستھرا پنجاب’ منصوبہ نہ صرف صوبے میں صفائی کے نظام کی کاپلیٹ اوور ہالنگ ثابت ہوا ہے بلکہ یہ پوری دنیا میں کامیابی کی ایک درخشندہ مثال بن کر ابھرا ہے۔

وزیر اطلاعات نے واضح کیا کہ اس منصوبے کے اصل ہیروز وہ سینیٹری ورکرز ہیں جو روزانہ صبح سویرے اٹھ کر پنجاب کی گلیوں اور سڑکوں کو صاف ستھرا بناتے ہیں۔ انہوں نے صارفین کو دعوت دی کہ وہ ویڈیو کے ذریعے ‘ستھرا پنجاب’ کے ایک ہیرو کا پورا دن اور اس کی انتھک محنت کا خود مشاہدہ کریں۔