بھارتی کرکٹ بورڈ کا متعصبانہ فیصلہ، بنگلہ دیشی کھلاڑی کو آئی پی ایل سے باہر کر دیا گیا
Web Desk
3 January 2026
بھارتی کرکٹ بورڈ (بی سی سی آئی) نے کولکتہ نائٹ رائیڈرز (کے کے آر) کو ہدایت جاری کی ہے کہ بنگلہ دیش کے فاسٹ بولر مستفیض الرحمان کو آئندہ آئی پی ایل 2026 سیزن کے لیے اپنے اسکواڈ سے ریلیز کر دیا جائے۔
بی سی سی آئی کے سیکرٹری دیواجیت سائیکیا نے اس فیصلے کی تصدیق کرتے ہوئے بتایا کہ حالیہ سفارتی کشیدگی اور خطے میں بدلتی ہوئی صورتحال کے تناظر میں یہ فیصلہ کیا گیا ہے۔ ان کا کہنا تھا کہ بورڈ نے ابتدا میں صورتحال پر نظر رکھنے کی پالیسی اپنائی تھی، تاہم حالیہ پیش رفت کے بعد مستفیض الرحمان کی شمولیت کو برقرار رکھنا ممکن نہیں رہا۔
دیواجیت سائیکیا کے مطابق بنگلہ دیش میں حالیہ بے چینی اور اس پر بھارت میں سامنے آنے والے ردعمل کے باعث یہ معاملہ حساس نوعیت اختیار کر گیا تھا۔ بی سی سی آئی نے واضح کیا ہے کہ اگر کولکتہ نائٹ رائیڈرز کسی متبادل کھلاڑی کے لیے درخواست کرتی ہے تو اسے قواعد کے مطابق اجازت دے دی جائے گی۔
واضح رہے کہ مستفیض الرحمان کو گزشتہ دسمبر میں ہونے والی آئی پی ایل نیلامی کے دوران کولکتہ نائٹ رائیڈرز نے 9 کروڑ 20 لاکھ بھارتی روپے میں خریدا تھا، جس کے بعد وہ آئی پی ایل کی تاریخ کے سب سے مہنگے بنگلہ دیشی کھلاڑی بن گئے تھے۔ تاہم نیلامی کے بعد ہی ان کی شمولیت مختلف حلقوں میں تنازع کا باعث بنی ہوئی تھی۔
بی سی سی آئی کے اس فیصلے کے بعد آئی پی ایل 2026 میں کولکتہ نائٹ رائیڈرز کو اپنے بولنگ اٹیک میں اہم تبدیلی کرنا ہوگی، جبکہ مستفیض الرحمان کی آئی پی ایل میں شرکت فی الحال غیر یقینی ہو گئی ہے۔
متعلقہ عنوانات
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
محمد عباس رواں سال ٹیسٹ کرکٹ میں سب سے زیادہ وکٹیں لینے والے بولر بن گئے
21 November 2026
آئی ایل ٹی 20 کا پانچواں سیزن کل سے شروع، بابراعظم اور شاداب خان مرکز نگاہ
20 November 2026