اے آئی پر بڑھتا انحصار، برطانیہ کے ہارکلے بینک کا 5 ہزار ملازمین فارغ کرنے کا اعلان

برطانیہ کے عالمی شہرت یافتہ بارکلے بینک نے اخراجات میں کمی اور مصنوعی ذہانت (AI) کا استعمال بڑھانے کے لیے 2026 کے اختتام تک دنیا بھر میں 5 ہزار ملازمتیں ختم کرنے کا باضابطہ اعلان کر دیا ہے۔ بینک کے مطابق یہ فیصلہ تین سالہ اخراجات میں کٹوتی کی مہم اور آپریشنل کارکردگی بہتر بنانے کا حصہ ہے، جس کے تحت عالمی سطح پر افرادی قوت میں 5 فیصد کمی لائی جائے گی۔ ختم کی جانے والی 60 فیصد ملازمتوں کا تعلق اسسٹنس و معاون شعبوں سے ہے جہاں اے آئی ٹیکنالوجی کی بدولت کام کی رفتار بہتر ہوئی ہے۔ اب تک ایک ہزار ملازمین کو فارغ کیا جا چکا ہے جبکہ بقایا 4 ہزار ملازمتیں رواں سال کے آخر تک ختم کی جائیں گی۔ حیران کن طور پر یہ اعلان مالی سال کی تیسری سہ ماہی میں بینک کے منافع میں 13 فیصد اضافے کے باوجود سامنے آیا ہے۔