ٹی 20 ورلڈ کپ میچز بھارت سے منتقلی کی بنگلہ دیش بورڈ کی درخواست مسترد

انٹرنیشنل کرکٹ کونسل (آئی سی سی) نے ٹی 20 ورلڈ کپ میچز بھارت سے منتقل کرنے کی بنگلہ دیش کرکٹ بورڈ کی درخواست مسترد کر دی ہے۔ کرکٹ ویب سائٹ کے مطابق آئی سی سی نے درخواست کو ناقابلِ عمل قرار دیا۔ بنگلہ دیش نے سکیورٹی خدشات کی بنیاد پر میچز بھارت سے باہر منتقل کرنے کا مطالبہ کیا تھا۔ دوسری جانب بنگلہ دیش کرکٹ کے ذرائع کا کہنا ہے کہ آئی سی سی کی جانب سے کسی باضابطہ الٹی میٹم کی اطلاع موصول نہیں ہوئی۔ واضح رہے کہ حالیہ دنوں بھارتی انتہا پسندوں کی دھمکیوں کے بعد بنگلہ دیشی فاسٹ باؤلر مستفیض الرحمان کو آئی پی ایل سے باہر کیے جانے پر دونوں بورڈز کے درمیان کشیدگی میں اضافہ ہوا تھا۔