بھارتی گلوکار بادشاہ کا ہانیہ عامر کو شادی سے متعلق مشورہ

بالی وڈ کے مشہور گلوکار بادشاہ نے عالمی شہرت یافتہ پاکستانی اداکارہ ہانیہ عامر کو شادی کے حوالے سے مشورہ دیا ہے۔

بادشاہ اس وقت لندن کے دورے پر ہیں اور پریس کانفرنس کے دوران صحافیوں کے سوالات کے جواب دے رہے تھے۔ ایک سوال کے جواب میں جب پوچھا گیا کہ کیا وہ ہانیہ عامر کے ساتھ کسی پروجیکٹ میں اشتراک کرنا چاہیں گے، تو بادشاہ نے کہا کہ جب جذبات بدلیں گے اور پاکستان اور بھارت کے تعلقات بہتر ہوں گے، تو وہ ہانیہ عامر سمیت دیگر فنکاروں کے ساتھ بھی کام کرنے کے لیے تیار ہیں۔

صحافیوں نے ہانیہ عامر کی حالیہ شادی کی خبریں بھی ان سے پوچھیں، جس پر بادشاہ نے کہا کہ “اگر شادی کی خبریں صحیح ہیں تو یہ اچھی بات ہے، شادی کرلینی چاہیے، لیکن یہ اُن کا ذاتی معاملہ ہے۔”

بادشاہ کے اس موقف نے فنکاروں کے درمیان پیشہ ورانہ تعلقات اور ذاتی زندگی کے حوالے سے ایک متوازن پیغام دیا ہے۔