اواتار اسٹار زوئی سلڈانا نے ہالی ووڈ میں نئی تاریخ رقم کردی

ہالی ووڈ کی معروف اداکارہ زوئی سلڈانہ نے فلمی تاریخ میں نیا سنگِ میل عبور کرتے ہوئے دنیا کی سب سے زیادہ کمائی کرنے والی اداکارہ کا اعزاز حاصل کر لیا ہے۔

برطانوی اخبار کی رپورٹ کے مطابق 47 سالہ آسکر ایوارڈ یافتہ اداکارہ نے اس فہرست میں اسکارلٹ جوہانسن کو پیچھے چھوڑ دیا ہے۔ نئی فلم ’اواتار: فائر اینڈ ایش‘ کی کامیابی کے بعد زوئی سلڈانہ کی فلموں کی مجموعی کمائی 15.46 ارب ڈالر سے تجاوز کر چکی ہے۔

اعداد و شمار کے مطابق اس شاندار کامیابی میں اواتار فرنچائز اور مارول سنیماٹک یونیورس میں گیمورا کے کردار نے کلیدی کردار ادا کیا۔ زوئی سلڈانہ گارڈینز آف دی گلیکسی، ایونجرز، اسٹار ٹریک اور پائریٹس آف دی کیریبین جیسی کامیاب فلموں کا بھی حصہ رہ چکی ہیں۔