پاکستان کے لیے آسٹریلیا کے نئے سفیر ٹموتھی کین کا کرکٹ کے ذریعے دوستی کا پیغام
Web Desk
31 December 2025
پاکستان میں آسٹریلیا کے نئے ہائی کمشنر ٹموتھی کین نے کرکٹ کے ذریعے دونوں ممالک کے درمیان دوستی کا پیغام دیتے ہوئے اپنی سفارتی ذمہ داریوں کا آغاز کر دیا ہے۔ انہوں نے ایک ویڈیو پیغام میں کرکٹ کو عوام کو جوڑنے والا ذریعہ قرار دیا اور پاکستان سے محبت کا اظہار کیا۔
ٹموتھی کین کی جانب سے شیئر کی گئی ویڈیو میں انہیں ایک پارک میں کرکٹ کھیلتے ہوئے دیکھا جا سکتا ہے۔ ویڈیو میں انہوں نے کہا کہ آسٹریلیا اور پاکستان کے تعلقات صرف سرکاری سطح تک محدود نہیں بلکہ یہ عوامی اور دلوں کے درمیان مضبوط رشتہ ہیں۔
انہوں نے اپنے پیغام میں کہا:
“السلام علیکم پاکستان! کرکٹ لوگوں کو جوڑتی ہے، اور مل جل کر کام کرنا ہمیں ایک دوسرے کے قریب لاتا ہے۔”
آسٹریلیا میں مقیم ایک لاکھ سے زائد پاکستانیوں اور وہاں زیرِ تعلیم ہزاروں پاکستانی طلبہ کا حوالہ دیتے ہوئے آسٹریلوی ہائی کمشنر نے کہا کہ دونوں ممالک تعلیم، زراعت، دفاع اور خواتین کو بااختیار بنانے جیسے شعبوں میں تعاون کو مزید فروغ دینا چاہتے ہیں۔
ٹموتھی کین کا کہنا تھا کہ وہ کھیلوں، ثقافت اور مشترکہ ترقیاتی منصوبوں کے ذریعے پاکستانی عوام کے ساتھ مل کر کام کرنے کے خواہشمند ہیں۔
آخر میں انہوں نے پاکستان میں ملنے والی گرمجوش مہمان نوازی پر شکریہ ادا کرتے ہوئے کہا کہ وہ پاکستانی عوام کے ساتھ کام کرنے کے لیے پُرجوش ہیں اور اب تک ملنے والے شاندار استقبال پر دل کی گہرائیوں سے مشکور ہیں۔
متعلقہ عنوانات
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
محمد عباس رواں سال ٹیسٹ کرکٹ میں سب سے زیادہ وکٹیں لینے والے بولر بن گئے
21 November 2026
آئی ایل ٹی 20 کا پانچواں سیزن کل سے شروع، بابراعظم اور شاداب خان مرکز نگاہ
20 November 2026