زلزلے اور قدرتی آفات میں جانیں بچانے کیلئے سائبرگ کاکروچ تیار

آسٹریلیا کی یونیورسٹی آف کوئنزلینڈ اور یونیورسٹی آف نیو ساؤتھ ویلز کے سائنسدانوں نے زلزلوں اور عمارتیں منہدم ہونے کی صورت میں ملبے تلے دبے افراد تک فوری امداد پہنچانے کے لیے ایک جدید ‘سائبرگ کاکروچ’ تیار کر لیا ہے۔ ‘ایڈوانسڈ سائنس’ جریدے میں شائع ہونے والی تحقیق کے مطابق نارتھ کوئنزلینڈ کے دیوہیکل بروئنگ کاکروچ کی پیٹھ پر ایک چھوٹا ‘بیک پیک’ لگایا گیا ہے جو کیمرے اور منی ایچر انجیکشن سرنج ڈیوائسز سے لیس ہے۔ محققین کے مطابق یہ کیڑا تنگ سے تنگ راستوں سے گزر کر ریسکیو ٹیموں کے پہنچنے سے پہلے متاثرین کا پتا لگانے کے ساتھ ساتھ انہیں بنیادی طبی امداد فراہم کرنے کی صلاحیت رکھتا ہے، جس سے مستقبل میں قدرتی آفات کے دوران قیمتی انسانی جانیں بچانے میں بڑی مدد ملے گی۔