آسٹریلوی کرکٹرعثمان خواجہ کا انٹرنیشنل کرکٹ سے ریٹائرمنٹ کا اعلان
Web Desk
2 January 2026
آسٹریلیا کے معروف بائیں ہاتھ کے اوپنر بیٹر عثمان خواجہ نے انٹرنیشنل کرکٹ سے ریٹائرمنٹ کا اعلان کر دیا ہے۔ خبر ایجنسی کے مطابق عثمان خواجہ نے اپنے بیان میں کہا ہے کہ وہ ایشز سیریز کے پانچویں اور آخری ٹیسٹ میچ کے بعد کرکٹ کو خیرباد کہہ دیں گے۔
انگلینڈ کے خلاف آخری ٹیسٹ میچ اتوار سے شروع ہوگا، جو عثمان خواجہ کے کیریئر کا 88واں اور آخری ٹیسٹ میچ ہوگا۔ 39 سالہ عثمان خواجہ اب تک 87 ٹیسٹ، 40 ون ڈے اور 9 ٹی ٹوئنٹی میچز میں آسٹریلیا کی نمائندگی کر چکے ہیں۔
واضح رہے کہ حالیہ عرصے میں عثمان خواجہ کا بطور اوپنر کردار محدود ہو چکا تھا اور ٹیم میں ٹریوس ہیڈ اوپننگ کی ذمہ داریاں نبھا رہے ہیں۔ گزشتہ چند دنوں سے عثمان خواجہ کے مستقبل سے متعلق قیاس آرائیاں جاری تھیں، جن پر اب انہوں نے خود فیصلہ سنا دیا ہے۔
عثمان خواجہ سیریز کے پہلے پرتھ ٹیسٹ کے دوران کمر کی تکلیف کا شکار ہوئے، جس کے بعد انہیں شدید تنقید کا سامنا کرنا پڑا۔ کمر درد کے باعث وہ برسبین ٹیسٹ میں شرکت نہ کر سکے جبکہ بعد ازاں ایڈیلیڈ ٹیسٹ سے انہیں ڈراپ بھی کر دیا گیا تھا۔
عثمان خواجہ کا شمار آسٹریلوی کرکٹ کے اُن کھلاڑیوں میں ہوتا ہے جنہوں نے مشکل حالات میں ٹیم کے لیے اہم اننگز کھیلیں اور ایک مضبوط بیٹر کے طور پر اپنی پہچان بنائی۔
متعلقہ عنوانات
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
محمد عباس رواں سال ٹیسٹ کرکٹ میں سب سے زیادہ وکٹیں لینے والے بولر بن گئے
21 November 2026
آئی ایل ٹی 20 کا پانچواں سیزن کل سے شروع، بابراعظم اور شاداب خان مرکز نگاہ
20 November 2026