آسٹریلیا کرکٹ ٹیم کا 17 رکنی سکواڈ پاکستان کے دورے کے لیے حتمی

لاہور: آسٹریلیا کرکٹ ٹیم نے پاکستان کے حالیہ دورے کے لیے 17 رکنی اسکواڈ کا اعلان کر دیا ہے۔ انجری کے باعث پیٹ کمنز، جوش ہیزل ووڈ اور ٹِم ڈیوڈ دورے میں شامل نہیں ہوں گے۔

آسٹریلوی ٹیم کے کپتان مچل مارش مقرر ہوئے ہیں جبکہ شان ایبٹ، زیوویربارٹلیٹ، مہلی بیئرڈمین، کوپر کانلی، جیک ایڈورڈز، کیمرون گرین، ٹریوس ہیڈ، جوش انگلش، میتھیو کوہنیمن اور مچ اوون بھی اسکواڈ کا حصہ ہوں گے۔

ٹیم میں جوش فلپ، میتھیو رینشا، میٹ شارٹ، مارکس اسٹونس اور تجربہ کار لیگ اسپنر ایڈم زمپا بھی شامل ہیں۔ آسٹریلوی ٹی ٹوئنٹی اسکواڈ 28 جنوری کو لاہور پہنچے گا اور سیریز کا آغاز 29 جنوری سے ہوگا۔ باقی میچز 31 جنوری اور یکم فروری کو شیڈول ہیں۔