ماہرِ فلکیات کی رمضان، عیدالفطر اور عیدالاضحیٰ کی ممکنہ تاریخوں کی پیشگوئی

ماہرِ فلکیات پروفیسر ڈاکٹر فہیم ہاشمی نے سائنسی حسابات اور فلکیاتی شواہد کی بنیاد پر رمضان المبارک، عیدالفطر اور عیدالاضحیٰ کی ممکنہ تاریخوں سے متعلق پیشگوئی کر دی ہے۔

ڈاکٹر فہیم ہاشمی کے مطابق پاکستان میں رمضان المبارک کا چاند 18 فروری کو نظر آنے کا قوی امکان ہے، جس کے نتیجے میں یکم رمضان 19 فروری کو ہونے کی توقع ہے۔انہوں نے بتایا کہ شوال کا چاند 20 مارچ کو نظر آنے کا امکان ہے، جس کے باعث ملک بھر میں عیدالفطر 21 مارچ کو منائے جانے کی پیشگوئی کی جا رہی ہے۔ماہرِ فلکیات کے مطابق ذوالحج کا آغاز 17 مئی سے ہونے کا امکان ہے، جبکہ اسی بنیاد پر عیدالاضحیٰ 27 مئی کو ہونے کی توقع ظاہر کی گئی ہے۔پروفیسر ڈاکٹر فہیم ہاشمی نے واضح کیا کہ یہ تمام پیشگوئیاں سائنسی اور فلکیاتی حسابات پر مبنی ہیں، تاہم چاند نظر آنے یا نہ آنے کا حتمی اعلان متعلقہ رویتِ ہلال کمیٹی کرے گی۔