عاصم اظہر کا دنیا میں بڑھتی ہوئی کشیدگی کے حوالے سے پیغام جاری

پاکستان کے مقبول گلوکار عاصم اظہر نے دنیا بھر میں جاری حالیہ تناؤ اور جنگی صورتحال پر اپنی خاموشی توڑ دی ہے۔ انسٹاگرام پر ایک اسٹوری شیئر کرتے ہوئے انہوں نے انسانیت اور عالمی انصاف کے لیے دعا کی۔ عاصم اظہر نے لکھا کہ “اللّٰہ کرے یہ سیارہ امن، انسانیت اور انصاف حاصل کرے”۔ انہوں نے اس خواہش کا بھی اظہار کیا کہ دنیا کو ایسے مخلص لوگ میسر آئیں جو انصاف کے ساتھ کھڑے ہونے کی جرات رکھتے ہوں۔ ان کا یہ پیغام سوشل میڈیا پر تیزی سے وائرل ہو رہا ہے اور مداحوں کی جانب سے اسے بڑے پیمانے پر سراہا جا رہا ہے۔