بھارت کے معروف ہریانوی گلوکار انکت بالیان کو فائرنگ کرکے قتل کردیا گیا

بھارت کے معروف ہریانوی گلوکار اور یوٹیوبر انکت بالیان کو اتر پردیش کے ضلع شاملی میں جم کے باہر نامعلوم مسلح افراد نے فائرنگ کر کے قتل کر دیا ہے۔ بھارتی میڈیا کے مطابق واقعہ بدھ کی شام اس وقت پیش آیا جب انکت بالیان ورزش کے بعد جم سے باہر نکل رہے تھے، جہاں دو موٹر سائیکلوں پر سوار حملہ آوروں نے ان پر تقریباً 15 سے 20 گولیاں چلائیں اور موقع سے فرار ہو گئے۔ جم کے مالک روی شرما کے مطابق شدید زخمی حالت میں گلوکار کو فوری طور پر ہسپتال منتقل کیا گیا تاہم وہ زخموں کی تاب نہ لاتے ہوئے دم توڑ گئے۔ پولیس نے واقعے کی تحقیقات شروع کر دی ہیں۔