یوٹیوبر ڈکی بھائی کی اہلیہ عروب جتوئی کی ضمانت میں 4 فروری تک توسیع

لاہور کی سیشن کورٹ نے جوا ایپس کی تشہیر کے مقدمے میں یوٹیوبر ڈکی بھائی کی اہلیہ عروب جتوئی کی عبوری ضمانت میں 4 فروری تک توسیع کر دی۔

ایڈیشنل سیشن جج منصور احمد قریشی نے عبوری ضمانت کی سماعت کی، جس میں عروب جتوئی عدالت میں پیش ہوئیں۔ دوران سماعت این سی سی آئی اے نے مقدمے کا ریکارڈ پیش کرنے کے لیے عدالت سے مہلت طلب کی اور کہا کہ تفتیشی افسر اپنے بھائی کی شادی میں مصروف ہیں۔

عدالت نے عروب جتوئی کی عبوری ضمانت میں توسیع کرتے ہوئے آئندہ سماعت پر این سی سی آئی اے سے مقدمے کا مکمل ریکارڈ طلب کر لیا۔ عروب جتوئی کے خلاف این سی سی آئی اے نے مقدمہ درج کیا ہوا ہے۔