مومنہ اقبال اور طوبیٰ انور کے بعد اب میں بھی‘، عروبہ مرزا کا ثاقب چدھڑ پر پیغامات بھیجنے کا الزام

پاکستانی اداکارہ مومنہ اقبال اور طوبیٰ انور کے بعد اب معروف اداکارہ عروبہ مرزا نے بھی پنجاب اسمبلی کے رکن (MPA) ثاقب چدھڑ پر آن لائن ہراسانی کا الزام عائد کر دیا ہے۔ عروبہ مرزا نے اپنے انسٹاگرام اکاؤنٹ پر ثاقب چدھڑ سے منسوب میسجز کے اسکرین شاٹس شیئر کیے، جن میں مبینہ طور پر رکنِ اسمبلی کی جانب سے سنیپ چیٹ پر بات کرنے اور بار بار رابطے کی کوششیں دکھائی گئی ہیں۔ اسکرین شاٹس کے ساتھ اداکارہ نے لکھا کہ “مومنہ اقبال اور طوبیٰ انور کے بعد اب میں بھی”۔ واضح رہے کہ اس سے قبل اداکارہ مومنہ اقبال کی مدعیت میں ثاقب چدھڑ کے خلاف پیکا (PECA) ایکٹ کے تحت این سی سی آئی اے میں مقدمہ درج ہو چکا ہے، جبکہ اداکارہ طوبیٰ انور نے بھی ان پر مہنگے تحائف کی پیشکش کر کے ہراساں کرنے کا الزام عائد کیا تھا۔