جوا پروموشن کیس: ڈکی بھائی کی اہلیہ عروب جتوئی کی عبوری ضمانت میں 24مارچ تک توسیع

لاہور: سیشن کورٹ نے آن لائن جوا پرموشن کیس میں یوٹیوبر ڈکی بھائی کی اہلیہ عروب جتوئی کی عبوری ضمانت 24 مارچ تک بڑھا دی۔

عدالتی سماعت کے دوران عروب جتوئی اپنے وکلا کے ہمراہ پیش ہوئیں۔ کیس کی کارروائی کے دوران تفتیشی افسر نے عدالت سے استدعا کی کہ ملزمہ کے موبائل کا فرانزک کیا جائے، جسے عدالت نے منظور کر لیا۔ملزمہ کے وکیل نے استدعا کی کہ موبائل فرانزک کی رپورٹ ایک یا دو ہفتوں میں نہیں آتی، اس لیے رمضان کے بعد کی تاریخ دی جائے۔جج منصور قریشی نے سماعت 24 مارچ تک ملتوی کرتے ہوئے ہدایت کی کہ ملزمہ آئندہ اپنی حاضری یقینی بنائیں اور عبوری ضمانت میں حاضری کی معافی نہیں دی جائے گی۔واضح رہے کہ عروب جتوئی کے خلاف این سی سی آئی اے نے مقدمہ درج کر رکھا ہے۔