ارباز خان اور شوریٰ نے بیٹی کی پہلی جھلک شیئر کر دی، مداحوں کی مبارکباد

بالی ووڈ اسٹار سلمان خان کے بھائی اور معروف اداکار ارباز خان اور ان کی اہلیہ شوریٰ خان نے اپنی نومولود بیٹی سپارہ کی پہلی جھلک منظرِ عام پر لاتے ہی مداحوں کو خوش کر دیا۔ سوشل میڈیا پر پوسٹ کی گئی تازہ تصاویر پر دنیا بھر سے مبارکبادوں کا سلسلہ شروع ہوگیا۔

ارباز اور شوریٰ کے ہاں 5 اکتوبر کو بیٹی کی پیدائش ہوئی تھی، اور اب تقریباً ڈیڑھ ماہ بعد انہوں نے سپارہ کی چند دلکش تصاویر شیئر کیں۔ ایک تصویر میں والدین محبت سے بیٹی کے ننھے سے پاؤں تھامے ہوئے ہیں، جبکہ دوسری تصویر میں سپارہ اپنے والد کا انگوٹھا پکڑے دکھائی دے رہی ہے۔

تصاویر کے ساتھ لکھے گئے جذباتی کیپشن نے بھی مداحوں کے دل جیت لیے: “ننھے سے ہاتھ اور پاؤں… مگر ہمارے دل کا سب سے بڑا حصہ یہی ہے۔”

تصاویر وائرل ہوتے ہی مداحوں، ساتھی اداکاروں اور قریبی دوستوں کی جانب سے نیک خواہشات کے پیغامات آنے لگے۔
اداکارہ گوہر خان نے دعا دیتے ہوئے لکھا: “اللہ تعالی آپ پر اپنی رحمتیں اور سلامتی نازل فرمائے” جبکہ مہیپ کپور سمیت دیگر ستاروں نے محبت بھرے ایموجیز کے ساتھ جوڑے کو مبارکباد پیش کی۔