نصرت فتح علی خان سے ملاقات میری منزل تھی، یہ غیبی مدد جیسا لمحہ تھا: اے آر رحمان

عالمی شہرت یافتہ موسیقار اور گلوکار اے آر رحمان نے کہا ہے کہ لیجنڈری پاکستانی قوال نصرت فتح علی خان سے ملاقات ان کی زندگی کا ایک غیرمعمولی اور روحانی تجربہ تھی، جو کسی غیبی مدد سے کم نہیں۔

ایک برطانوی نجی چینل کے خصوصی انٹرویو میں آسکر ایوارڈ یافتہ بھارتی موسیقار نے نصرت فتح علی خان کی فنی عظمت اور شخصیت کو خراجِ تحسین پیش کیا اور بتایا کہ نصرت صاحب کے ساتھ گانا ریکارڈ کرنا ان کے لیے کسی اعزاز سے کم نہیں تھا، اگرچہ وہ ریکارڈنگ کے ایک ماہ بعد اس دنیا سے رخصت ہوگئے۔

اے آر رحمان نے کہا کہ نصرت فتح علی خان نے انہیں قوالی کی باریکیاں سکھائیں اور وہ خود ایک درسگاہ کی طرح تھے۔ انہوں نے مشہور قوالی ’تو کجا من کجا‘ بھی پروگرام میں گا کر حاضرین کو مسحور کیا۔

رحمان نے مزید کہا کہ نصرت فتح علی خان نہ صرف ایک عظیم فنکار تھے بلکہ ان کی موجودگی سے سیکھنا ایک نعمت کے مترادف تھا