اے آئی سے تیار شدہ غیر معیاری رپورٹس کے سبب ایپل کا بڑا فیصلہ!

معروف ٹیکنالوجی کمپنی ایپل نے مصنوعی ذہانت (AI) سے تیار کردہ سیکیورٹی خامیوں کی غیر معیاری اور غلط رپورٹس کا دباؤ کم کرنے کے لیے سیکیورٹی ٹیم کو بھیجی جانے والی رپورٹس کی حد مقرر کر دی ہے۔ برطانوی اخبار فنانشل ٹائمز کی رپورٹ کے مطابق جون 2026 میں سیکیورٹی ریویو سسٹم پر بے پناہ دباؤ کے بعد یہ فیصلہ کیا گیا، کیونکہ جنریٹو اے آئی کی مدد سے نوآموز محققین کی جانب سے فرضی خطرات پر مبنی غیر معیاری رپورٹس کی تعداد میں نمایاں اضافہ ہو چکا ہے۔ اسی تناظر میں اٹلی کی سائبر سیکیورٹی اسٹارٹ اپ ‘بائناریو’ نے دعویٰ کیا ہے کہ اس نے اوپن اے آئی کے ‘چیٹ جی پی ٹی’ (ChatGPT) کو استعمال کرتے ہوئے صرف 03 ہفتوں میں میک بک کے تازہ ترین آپریٹنگ سسٹم میں 50 سے زائد ممکنہ خامیوں کی نشاندہی کی ہے۔