انور مقصود کی پوتی کے نکاح پر تصویر سوشل میڈیا پر وائرل

پاکستان کے معروف کہانی کار اور طنز و مزاح کے ممتاز قلمکار انور مقصود کی پوتی کا حال ہی میں نکاح ہوا، جس کے بعد اہلِ خانہ کی ایک خوبصورت تصویر سوشل میڈیا پر توجہ کا مرکز بن گئی۔

انور مقصود کے صاحبزادے اور معروف موسیقار بلال مقصود نے اس خوشی کے موقع پر انسٹاگرام پر ایک یادگار تصویر شیئر کی، جس میں وہ اپنے والد انور مقصود اور اپنے دونوں بیٹوں کے ہمراہ نظر آ رہے ہیں۔ تصویر میں چاروں افراد ایک ہی طرز کے لباس میں ملبوس دکھائی دیتے ہیں، جسے صارفین نے بے حد سراہا۔

بلال مقصود نے تصویر کے کیپشن میں لکھا کہ “ہماری بیٹی کے نکاح کے موقع پر ہمارے بچے اور ان کے دادا ساتھ موجود ہیں۔”

سوشل میڈیا پر صارفین کی جانب سے اس تصویر کو بھرپور پذیرائی مل رہی ہے، جبکہ انور مقصود اور ان کے اہلِ خانہ کے لیے نیک تمناؤں اور مبارکباد کے پیغامات کا سلسلہ بھی جاری ہے۔