خلا میں تیرتا آٹھ فٹبال فیلڈز کے برابر سیارچہ دریافت

ماہرین فلکیات کے مطابق 2025 MN45 نامی نیا دریافت ہونے والا سیارچہ غیر معمولی رفتار اور تیز گردش کے باعث سائنسدانوں کی توجہ کا مرکز بن گیا ہے۔ یہ سیارچہ اب تک دریافت ہونے والے 499 میٹر سے بڑے سیارچوں میں سب سے تیزی سے گھومنے والا جرمِ فلکی قرار دیا جا رہا ہے۔

تقریباً 709 میٹر چوڑا یہ سیارچہ اپنے محور کے گرد صرف 1.88 منٹ میں ایک مکمل چکر لگاتا ہے۔ 2025 MN45 ہمارے نظامِ شمسی کی مرکزی سیارچہ پٹی (Asteroid Belt) میں سورج کے گرد گردش کر رہا ہے، جو زمین سے تقریباً 48 کروڑ 28 لاکھ کلومیٹر کے فاصلے پر واقع ہے۔

ماہرین کے مطابق سیارچوں کی تیز یا سست حرکت کئی عوامل پر منحصر ہوتی ہے جن میں سورج کی حرارت، دیگر اجسام سے ٹکراؤ اور ان کی ساخت شامل ہیں، جو ان کی رفتار اور گردش پر اثرانداز ہوتے ہیں۔