فیملی دبئی میں موجود، امارات کے حکومتی اقدامات پر اعتماد ہے: ایمی ورک

بھارتی پنجاب کے مقبول گلوکار اور فلم سٹار ایمی ورک نے خطے کی موجودہ صورتحال کے باوجود دبئی کے سکیورٹی انتظامات کی تعریف کی ہے۔ ایک حالیہ انٹرویو میں انہوں نے انکشاف کیا کہ ان کا خاندان اس وقت دبئی میں مقیم ہے اور وہ وہاں کے حکومتی اقدامات سے مکمل مطمئن ہیں۔ ایمی ورک کا کہنا تھا کہ مقامی حکام رہائشیوں اور مہمانوں کے تحفظ کے لیے دن رات کام کر رہے ہیں اور انہیں یقین ہے کہ یو اے ای کے ادارے کسی بھی ہنگامی صورتحال سے نمٹنے کی بھرپور صلاحیت رکھتے ہیں۔ ان کے مطابق دبئی میں زندگی معمول کے مطابق گزر رہی ہے۔