ایمازون کا ہزاروں لوگوں کو نوکریوں سے نکالنے کا منصوبہ

تازہ ترین رپورٹس میں انکشاف کیا گیا ہے کہ مشہور امریکی کمپنی ایمازون ہزاروں ملازمین کو بے روزگار کرنے کی منصوبہ بندی کر رہی ہے۔

کمپنی سے متعلق یہ قیاس آرائیاں اس وقت سامنے آئی ہیں جب چند ماہ قبل ایمازون نے 14,000 نوکریاں ختم کرنے کا اعلان کیا تھا۔

جمعے کے روز رائٹرز اور بلومبرگ میں شائع رپورٹس کے مطابق کمپنی کے صدر اور سی ای او اینڈی جیسی آئندہ دنوں میں مزید نوکریاں ختم کرنے کا اعلان کر سکتے ہیں۔

رپورٹس میں بتایا گیا ہے کہ متاثر ہونے والے ملازمین کی تعداد ہزاروں میں ہو سکتی ہے، تاہم یہ لہر ماضی کی نسبت اتنی شدید نہیں ہو سکتی۔

ایمازون کی جانب سے ابھی تک اس معاملے پر کوئی باضابطہ مؤقف سامنے نہیں آیا ہے۔