اپنے کام سے کام رکھو؛ علی رحمان کا شادی کے سوال پر دوٹوک جواب

پاکستانی شوبز انڈسٹری کے معروف اداکار علی رحمان خان نے اپنی شادی سے متعلق بار بار پوچھے جانے والے سوالات پر خاموشی توڑتے ہوئے دوٹوک ردِعمل کا اظہار کیا ہے۔ ایک نجی ٹی وی پروگرام میں گفتگو کرتے ہوئے اداکار نے واضح کیا کہ شادی ایک خالصتاً ذاتی معاملہ ہے اور اسے عوامی بحث کا موضوع نہیں بننا چاہیے۔ انہوں نے مختصر مگر سخت الفاظ میں کہا کہ لوگوں کو دوسروں کے نجی فیصلوں میں دلچسپی لینے کے بجائے اپنے کام سے کام رکھنا چاہیے اور اپنی زندگیوں پر توجہ دینی چاہیے۔

علی رحمان خان نے مزید کہا کہ وہ کسی بھی عوامی دباؤ یا توقعات کے تحت اپنی زندگی کے فیصلے نہیں کریں گے۔ اگرچہ انہوں نے گفتگو کے دوران مزاح کا سہارا بھی لیا، لیکن ان کا پیغام واضح تھا کہ نجی زندگی کے معاملات کو عوامی ملکیت نہیں سمجھنا چاہیے۔