ساس نے شادی کے دن کیا نصیحت کی تھی؟ اکشے کمار کا 25ویں سالگرہ پر پیغام وائرل

ممبئی:
بالی ووڈ کے معروف اداکار اکشے کمار اور مصنفہ و اداکارہ ٹوئنکل کھنہ نے اپنی شادی کی 25ویں سالگرہ منائی۔ اس موقع پر اکشے کمار نے سوشل میڈیا پر ایک سلو موشن ویڈیو شیئر کی جس میں ٹوئنکل گانے ’رمبا ہو ہو ہو، سامبا ہو ہو ہو‘ پر رقص کرتی نظر آئیں۔

ویڈیو کے ساتھ اکشے کمار نے وہ نصیحت بھی یاد کی جو انہیں شادی کے دن اپنی ساس، معروف اداکارہ ڈمپل کپاڈیا سے ملی تھی: ’’بیٹا، عجیب و غریب حالات میں ہنسنے کے لیے تیار رہنا، کیونکہ یہ بالکل ایسا ہی کرے گی۔‘‘

اکشے کمار نے پوسٹ میں لکھا کہ 25 سال گزر گئے اور انہیں اب پتا ہے کہ ساس کبھی جھوٹ نہیں بولتیں، اور ٹوئنکل ہمیشہ اپنے منفرد انداز سے انہیں ہنسانے، حیران کرنے اور کبھی کبھار تھوڑا بے چین کرنے میں کامیاب رہی ہیں۔

جوڑے کے دو بچے ہیں: بیٹا آراو اور بیٹی نتارا۔ اس سال بھی اکشے کمار کی متعدد فلمیں ریلیز کے لیے تیار ہیں، جن میں بھوت بنگلہ، ویلکم ٹو دی جنگل اور حیوان شامل ہیں۔