اکشے کھنہ کا بے ساختہ رقص سوشل میڈیا پر ٹرینڈ کرنے لگا

الی ووڈ کی نئی فلم دھریندر کا سین سوشل میڈیا پر ٹرینڈ نگ کرنے لگا جس میں رحمان ڈکیت کا کردار نبھانے والے اکشے کھنہ گاڑی سے اُترتے ہی مقامی روایتی رقص شروع کر دیتے ہیں،یہ مختصر سا انٹری سین دیکھتے ہی دیکھتے وائرل ہو گیا۔

فلم میں عزیر بلوچ کا کردار ادا کرنے والے دانش پانڈور کے مطابق یہ رقص پہلے سے طے شدہ نہیں تھا، ان کا کہنا تھا کہ شوٹنگ کے دوران باقاعدہ کوریوگرافی چل رہی تھی کہ اچانک  اکشے کھڑے ہوئے اور ڈائریکٹر آدیتیہ دھر سے پوچھا کیا میں بھی رقص کر سکتا ہوں؟ جس پر ڈائریکٹر نے مسکراتے ہوئے جواب دیا،  جو دل کرے کرو!ڈائریکٹر کی اجازت ملتے ہی اکشے کھنہ نے بے ساختہ رقص شروع کر دیا، سیٹ پر موجود پوری ٹیم اس غیر متوقع لمحے پر حیران رہ گئی لیکن اسی بے ساختگی نے اس سین کو فلم کا سب سے زیادہ مقبول لمحہ بنا دیا۔سوشل میڈیا صارفین نہ صرف اکشے کھنہ کی پرفارمنس کی تعریف کر رہے ہیں بلکہ ان کے قدرتی انداز کو بھی بے حد سرا رہے ہیں