طلاق کی افواہیں دم توڑ گئیں، ایشوریا کا ابھیشک کیلئے محبت بھرا پیغام

ممبئی: بالی ووڈ کی معروف اداکارہ ایشوریا رائے بچن نے اپنے شوہر ابھیشک بچن کی 50ویں سالگرہ پر انسٹاگرام پوسٹ کے ذریعے محبت بھرا پیغام شیئر کر کے طلاق کی افواہوں کو چپ کروا دیا۔

ایشوریا نے اپنی پوسٹ میں ابھیشک کے بچپن کی تصویر کے ساتھ دلکش ایموجیز شامل کرتے ہوئے لکھا:
“پیارے بےبی-پاپا کو 50 سالگرہ مبارک! ڈھیر سارا پیار، سکون، خوشیاں، دلی سکون اور بہترین صحت کے ساتھ خوش رہیں اور محبت کے ساتھ چمکتے رہیں۔”

مداحوں کا ردعمل

مداحوں نے پوسٹ کو خوب سراہا اور خوشی کا اظہار کیا۔ کچھ صارفین نے ادھوری تصویر کی طرف اشارہ کیا اور تبصرہ کیا کہ صرف آنکھیں کیوں؟ جبکہ دیگر نے جوڑے کی محبت کو حقیقی اور مثالی قرار دیا۔

یہ اقدام ایشوریا رائے کی طرف سے ایک واضح پیغام تھا کہ ان کے اور ابھیشک بچن کے تعلقات میں ابھی بھی محبت اور احترام موجود ہے۔