اے آئی انسانی دماغ کی صلاحیتوں کو مفلوج کر رہی ہے ؟ نئی تحقیق نے خطرے کی گھنٹی بجا دی

کارنیگی میلون، ایم آئی ٹی، آکسفورڈ اور کیلیفورنیا یونیورسٹی کے ماہرین کی ایک مشترکہ تحقیق میں یہ بات سامنے آئی ہے کہ محض 10 منٹ تک اے آئی چیٹ بوٹ کا استعمال انسان کی سوچنے کی صلاحیت کو متاثر کر سکتا ہے۔ تحقیق کے دوران دیکھا گیا کہ جن رضاکاروں نے اے آئی اسسٹنٹ کی مدد لی، وہ امداد ختم ہوتے ہی ذہنی الجھن کا شکار ہو گئے اور مشکل ٹاسکس حل کرنے میں ناکام رہے۔ ماہرین کا کہنا ہے کہ مسلسل انحصار سے دماغ خود سوچنے کی عادت چھوڑ دیتا ہے، جس کے نتیجے میں لوگ یا تو غلط جواب دینے لگتے ہیں یا کوشش ہی ترک کر دیتے ہیں۔