’انسانوں کے مقابلے میں اے آئی بوٹس کے جوہری ہتھیار استعمال کرنے کا امکان کہیں زیادہ ہیں‘

کنگز کالج لندن کے محققین کی ایک بڑی وار گیمز تحقیق میں انکشاف ہوا ہے کہ مصنوعی ذہانت کے حامل ماڈلز جنگی کشیدگی کو کم کرنے کے بجائے ایٹمی ہتھیاروں کے استعمال کو ترجیح دیتے ہیں۔ تحقیق کے مطابق، 21 مختلف جنگی صورتحال میں سے 95 فیصد میں اے آئی نے کم از کم ایک بار نیوکلیئر ہتھیار چلانے کا انتخاب کیا۔ سب سے زیادہ تشویشناک بات یہ ہے کہ کسی بھی ماڈل نے شکست کے باوجود ہتھیار ڈالنے یا پسپائی اختیار کرنے کا فیصلہ نہیں کیا، کیونکہ وہ اسے اپنی “ساکھ” کے لیے خطرہ سمجھتے ہیں۔