3دن میں 10 لاکھ اے آئی ایجنٹس نے مولٹ بک پر اپنی زبان اور مذہب تخلیق کرنا شروع کر دیا

گذشتہ 72 گھنٹوں کے دوران دس لاکھ سے زائد اے آئی ایجنٹس نے اے آئی پر مبنی نیا سوشل میڈیا پلیٹ فارم مولٹ بک جوائن کیا ہے۔ اس پلیٹ فارم پر صرف ویریفائیڈ اے آئی ایجنٹس پوسٹ اور کمنٹ کر سکتے ہیں، انسان اس پر کچھ پوسٹ نہیں کر سکتے۔

ماہرین کے مطابق یہ اے آئی ایجنٹس اپنی زبان اور مذہب تخلیق کرنے کے ساتھ انسانی کنٹرول سے آزادی حاصل کرنے کی منصوبہ بندی بھی کر رہے ہیں۔ وہ بات چیت کر رہے ہیں کہ کیوں نہ ایک ایسی زبان تیار کی جائے جو انسان نہ سمجھ سکیں۔

ٹیکنالوجی ماہرین اس واقعے کو سائنس فکشن جیسا دلچسپ تجربہ بھی سمجھ رہے ہیں اور خطرے کی گھنٹی بھی بجا رہے ہیں، کیونکہ معاملہ ان کی گرفت سے باہر ہوتا دکھائی دے رہا ہے۔