احمد علی بٹ کی بھارتی مصنف و شاعرجاوید اختر پر کڑی تنقید

پاکستان کے معروف اداکار، میزبان اور کامیڈین احمد علی بٹ نے بھارتی مصنف و شاعر جاوید اختر پر تنقید کرتے ہوئے کہا ہے کہ “آپ بھارتیوں سے عزت کی توقع نہیں کر سکتے۔”

احمد علی بٹ اپنے یوٹیوب پوڈکاسٹ میں قومی اور بین الاقوامی سطح پر وائرل اور متنازع موضوعات پر رائے کا اظہار کرتے ہیں۔ حال ہی میں انہوں نے جاوید اختر پر تنقید کرتے ہوئے کہا کہ وہ اب فن کے لیے ایک داغ بن چکے ہیں۔

اداکار نے بتایا کہ جاوید اختر پچھلے سال پاکستان آئے تھے اور ان کی بہت عزت کی گئی، لیکن اس کے باوجود انہوں نے پاکستان کے خلاف بیان دیا، جس کے بعد احمد علی بٹ نے کہا کہ انہیں بھارتی فنکاروں سے عزت کی توقع نہیں اور وہ ہماری عزت کے مستحق نہیں۔

احمد علی بٹ نے مزید کہا، “میں پُرسکون انسان ہوں، لیکن جب آپ کسی کو اتنی عزت دیتے ہیں اور وہ نفرت کا جواب دیتا ہے، تو وہ ٹرولنگ کا مستحق ہوتا ہے۔”