معروف اداکارہ سکینہ خان رشتہ ازدواج میں منسلک

پاکستان شوبز انڈسٹری کی معروف اداکارہ سکینہ خان امریکا میں ایک پروقار اور روایتی تقریب کے دوران شادی کے بندھن میں بندھ گئی ہیں۔ شادی کے موقع پر سکینہ خان نے سرخ اور سنہری رنگ کا خوبصورت عروسی لہنگا زیب تن کیا، جبکہ ان کے شوہر سفید شیروانی میں نظر آئے، سوشل میڈیا پر ان کے برائیڈل لک اور روایتی انداز کو مداحوں کی جانب سے بے حد سراہا جا رہا ہے۔ اداکارہ کی شادی کی تصاویر سامنے آنے کے بعد شوبز شخصیات اور مداحوں کی جانب سے مبارکباد اور نیک تمناؤں کا سلسلہ جاری ہے۔ ذرائع کے مطابق اداکارہ اپنی نئی ازدواجی زندگی پر توجہ مرکوز کرنے کے لیے شوبز سے کچھ عرصے کے لیے وقفہ لینے کا ارادہ رکھتی ہیں، تاہم اس حوالے سے ان کا باضابطہ بیان سامنے نہیں آیا ہے۔