اداکارہ رابعہ عابد ایک بار پھراپنے مرحوم شوہر کی یاد میں آبدیدہ

حال ہی میں دنیا نیوز کے مزاحیہ پروگرام ’مذاق رات‘ میں رابعہ عابد نے بطور مہمان شرکت کی جہاں انہوں نے مختلف موضوعات پر کھل کر اظہار خیال کیا۔

پروگرام کے دوران گفتگو کرتے ہوئے اداکارہ نے بتایا کہ مرحوم شوہر عابد علی ان کی زندگی کا مضبوط سہارا تھے اور ان کے جانے کے بعد بھی ان کی یادیں ہمیشہ ساتھ رہتی ہیں۔رابعہ عابد کے مطابق وہ اپنے روزمرہ معمولات میں خود کو مصروف رکھتی ہیں مگر عابد علی کا ساتھ ان کے اندازِ محبت اور بولے گئے الفاظ آج تک دل میں تازہ ہیں، عابد علی ان کے لیے صرف ایک ہمسفر نہیں بلکہ تحفظ اور زندگی کا احساس تھے اور انسان اپنی جان سے پیاری چیز کے بغیر نہیں رہ سکتا۔