اللہ کی ناراضی کا سبب بننے والے کام 8 سال قبل چھوڑ دیئے تھے: اداکارہ لیلیٰ

پاکستانی فلم انڈسٹری اور شوبز سے دہائیوں سے وابستہ معروف اداکارہ لیلیٰ نے ایک رئیلٹی شو میں اپنی ذاتی زندگی، کیریئر اور ماضی کی پرفارمنسز کے حوالے سے گفتگو کرتے ہوئے کہا ہے کہ انہوں نے تقریباً 8 سال قبل ہی ایسے کام چھوڑ دیے تھے جو ان کے مطابق اللہ تعالیٰ کی مرضی کے خلاف تھے۔ 1990ء کی دہائی سے انڈسٹری سے منسلک اداکارہ نے شو کے دوران خواہش ظاہر کی کہ وہ شو جیت کر انعامی رقم سے اپنا گھر اور بڑی گاڑی خریدنا چاہتی ہیں۔ لیلیٰ کے اس بیان کے بعد سوشل میڈیا پر ملے جلے ردعمل کا اظہار کیا گیا، جہاں بعض صارفین نے ان کے خلوص اور سوچ میں تبدیلی کی تعریف کی، جبکہ کچھ افراد نے ماضی اور مشکلات کے بار بار تذکرے پر تنقید بھی کی۔