اداکارہ لائبہ خان کا مدینہ منورہ میں نکاح، تصاویر وائرل

پاکستان شوبز انڈسٹری کی معروف اداکارہ لائبہ خان مدینہ منورہ میں نکاح کے بندھن میں بندھ گئیں۔ اداکارہ نے اس خوشگوار خبر کا اعلان اپنے سوشل میڈیا اکاؤنٹس کے ذریعے کیا، جہاں انہوں نے مدینہ منورہ میں ہونے والے نکاح کی خوبصورت تصاویر شیئر کیں۔

تصاویر میں سادگی، روحانیت اور مقدس مقام کا پرنور ماحول نمایاں ہے، جس نے مداحوں کی خصوصی توجہ حاصل کی۔ سوشل میڈیا پر شوبز شخصیات اور مداحوں کی جانب سے اداکارہ کے لیے مبارکبادوں اور نیک تمناؤں کا سلسلہ جاری ہے۔

چند ماہ قبل ایک پروگرام میں گفتگو کرتے ہوئے لائبہ خان نے کہا تھا کہ اگرچہ انہیں شوبز کے کئی بڑے ناموں کے ساتھ کام کرنے کا موقع نہیں ملا، تاہم وہ اپنے کیریئر سے مطمئن اور خوش ہیں۔ ان کا کہنا تھا کہ وہ اداکاری کے شعبے میں بہت کچھ حاصل کر چکی ہیں اور اب شادی شدہ زندگی گزارنا چاہتی ہیں۔