آمنہ ملک نے اپنے گھر میں جِن کی موجودگی سے متعلق بیان پر وضاحت کردی
Web Desk
14 October 2026
معروف پاکستانی اداکارہ آمنہ ملک نے اپنے گھر میں جِن کی موجودگی اور ان پر قابو پانے سے متعلق سوشل میڈیا پر گردش کرنے والی خبروں اور عوامی ردِعمل پر بلاآخر اپنی وضاحت پیش کر دی ہے۔
حال ہی میں اداکارہ آمنہ ملک نے اپنے سرکاری انسٹاگرام اکاؤنٹ پر ایک ویڈیو پیغام جاری کیا، جس میں انہوں نے معاملے کی حقیقت سے پردہ اٹھایا۔ اداکارہ نے وضاحت کرتے ہوئے بتایا کہ وہ جیو نیوز کے مقبول شو ‘ہنسنا منع ہے’ میں بطور مہمان شریک ہوئی تھیں، جہاں میزبان تابش ہاشمی نے ان سے غیر مرئی مخلوق (Paranormal Activities) سے متعلق سوال پوچھا تھا۔ آمنہ ملک کے مطابق انہوں نے صرف ایک عام سا واقعہ شیئر کیا تھا کہ کیسے ایک بار ان کے پیسے اور دیگر چیزیں غائب ہونا شروع ہو گئی تھیں اور انہوں نے سن رکھا تھا کہ چھوٹے بچے جنات اس قسم کی شرارتیں کرتے ہیں۔
اداکارہ نے افسوس کا اظہار کرتے ہوئے کہا کہ اس بات کو غلط انداز میں وائرل کر دیا گیا جس کے بعد لوگوں نے انہیں سوشل میڈیا پر تنقید کا نشانہ بنانا شروع کر دیا۔ لوگ انہیں پیغامات بھیج کر عجیب و غریب فرمائشیں کرنے لگے کہ “ہمارے رشتے کروا دیں” یا “ہماری کھوئی ہوئی چیزیں واپس لا دیں”، جبکہ کچھ افراد نے ان پر شرک کرنے اور جادوگرنی ہونے تک کے الزامات عائد کر دیے۔ آمنہ ملک نے واضح کیا کہ ان کے پاس کوئی جِن نہیں ہے، اگر ایسا ہوتا تو وہ آج کہیں کی کہیں پہنچ چکی ہوتاں۔ انہوں نے مداحوں اور سوشل میڈیا صارفین سے اپیل کی کہ بغیر حقیقت جانے اتنی جلدی کسی پر بھی تنقید نہ کیا کریں۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026