نادیہ خان نے انڈسٹری میں کافی فساد پیدا کیے ہوئے ہیں: سعود

پاکستان شوبز انڈسٹری کے سینئر اداکار اور فلم پروڈیوسر سعود نے معروف ہوسٹ و اداکارہ نادیہ خان کی جانب سے پوڈ کاسٹس میں اٹھائے جانے والے تنازعات پر شدید برہمی کا اظہار کرتے ہوئے انہیں “انڈسٹری میں فساد پیدا کرنے والی شخصیت” قرار دے دیا ہے۔ ایک نجی ٹی وی کے مزاحیہ شو میں گفتگو کرتے ہوئے سعود نے شوبز شخصیات کے درمیان بڑھتی ہوئی باہمی ناچاقی اور متنازع بیانات پر کھل کر بات کی۔

برنامے کے دوران جب ایک خاتون حاضر نے پوڈ کاسٹس میں سستی شہرت کے لیے پرانی اور متنازع باتیں سامنے لانے کے رجحان کے بارے میں سوال کیا، تو سعود نے جواب دیتے ہوئے کہا کہ آج کل ایک دوسرے کی عزت کرنے کا عنصر ختم ہوتا جا رہا ہے۔ انہوں نے نادیہ خان کے پوڈ کاسٹ کا حوالہ دیتے ہوئے کہا کہ انہوں نے شوبز کی کئی معروف شخصیات کے خلاف بیانات دے کر آپس میں نفرتیں پھیلائی ہیں؛ پہلے انہوں نے اداکار ہمایوں سعید اور پھر عتیقہ اوڈھو کے خلاف متنازع باتیں کیں اور حتیٰ کہ ایک معروف بزنس مین کی بیٹی سے بھی نامناسب سوالات کیے۔ سعود کا کہنا تھا کہ ہماری فلم و ڈرامہ انڈسٹری بہت زبردست ہے، اور ایسے وائرل متنازع بیانات محض تین دن کی شہرت کا باعث بنتے ہیں جس کے بعد ان کی کوئی حقیقت نہیں رہتی۔