LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

معمر رانا کی اہلیہ نے خلع لے لی، لاہور کی فیملی کورٹ نے ڈگری جاری کردی

Web Desk

31 October 2026

پاکستان کے معروف فلمی اداکار معمر رانا کی اہلیہ مہناز نے لاہور کی فیملی کورٹ سے خلع حاصل کر لی ہے، اور فیملی کورٹ کے معزز جج زاہد بشیر نے مہناز معمر رانا کے حق میں خلع کی باضابطہ ڈگری جاری کر دی ہے۔

درخواست گزار مہناز کی جانب سے عدالت میں معروف وکیل خدیجہ صدیقی نے دلائل پیش کیے۔ دائر کردہ درخواست میں یہ مؤقف اختیار کیا گیا تھا کہ اداکار معمر رانا شراب نوشی کے عادی تھے اور نشے کی حالت میں گھریلو تشدد اور بدزبانی کا نشانہ بناتے تھے۔ درخواست کے مطابق انہوں نے متعدد مرتبہ اپنی بیٹیوں کے سامنے بھی شراب کے نشے میں گالم گلوچ کی، جس کی وجہ سے ان کی بیٹیوں کو شدید ذہنی اذیت اور نامناسب سلوک کا سامنا کرنا پڑا۔

درخواست گزار کے مطابق ان کی معمر رانا کے ساتھ شادی 24 اکتوبر 1998 کو ہوئی تھی اور اس طویل ازدواجی رشتے سے ان کی دو بیٹیاں ہیں۔ شادی کو تقریباً 28 سال گزرنے کے باوجود معمر رانا نے گھر کے بنیادی اخراجات تک برداشت نہیں کیے اور خاوند کی ذمہ داریوں کو پورا کرنے میں ناکام رہے۔ درخواست میں مزید بتایا گیا کہ خاندان کے افراد اور رشتہ داروں نے معمر رانا کے رویے میں بہتری لانے کے لیے متعدد بار کوششیں کیں، لیکن انہوں نے اپنا علاج کروانے یا رویہ بدلنے سے صاف انکار کر دیا۔

درخواست گزار کا کہنا تھا کہ حالات اس نہج پر پہنچ چکے ہیں کہ اب وہ اداکار معمر رانا کے ساتھ مزید ازدواجی زندگی نہیں گزار سکتیں، لہٰذا عدالت سے استدعاہے کہ خلع کی ڈگری جاری کی جائے۔ فریقین کے دلائل سننے کے بعد لاہور کی فیملی کورٹ نے درخواست گزار کے حق میں فیصلہ سناتے ہوئے خلع کی ڈگری جاری کر دی ہے۔