عبدالقادر میمن پاکستان بلیئرڈ اینڈ اسنوکر ایسوسی ایشن کے نئے صدر منتخب

پاکستان بلیئرڈ اینڈ اسنوکر ایسوسی ایشن (PBSA) کے سالانہ جنرل باڈی اجلاس میں عبدالقادر میمن کو متفقہ طور پر ایسوسی ایشن کا نیا صدر منتخب کر لیا گیا۔

اعلامیے کے مطابق سابق صدر ذوالفقار علی رمزی نے ذاتی مصروفیات کے باعث پاکستان بلیئرڈ اینڈ اسنوکر ایسوسی ایشن کی صدارت سے استعفیٰ دیا تھا، جس کے بعد جنرل باڈی اجلاس میں نئی قیادت کا انتخاب عمل میں آیا۔

عبدالقادر میمن اس سے قبل پی بی ایس اے میں سینئر نائب صدر اور اعزازی خزانچی کے طور پر خدمات انجام دے چکے ہیں۔ بلیئرڈ اور اسنوکر کے فروغ کے لیے ان کی طویل وابستگی اور انتظامی تجربے کو مدنظر رکھتے ہوئے انہیں صدر منتخب کیا گیا۔

ایسوسی ایشن کے اراکین نے امید ظاہر کی ہے کہ عبدالقادر میمن کی قیادت میں پاکستان میں بلیئرڈ اور اسنوکر کے کھیل کو مزید فروغ حاصل ہوگا اور قومی و بین الاقوامی سطح پر کھلاڑیوں کے لیے بہتر مواقع فراہم کیے جائیں گے۔