پاکستان۔سری لنکا ٹی ٹوئنٹی سیریز: قومی اسکواڈ کا پہلا گروپ کولمبو پہنچ گیا

پاکستان اور سری لنکا کے درمیان ٹی ٹوئنٹی سیریز کے سلسلے میں قومی ٹیم کے چار کھلاڑیوں پر مشتمل پہلا گروپ کولمبو پہنچ گیا ہے۔

ذرائع کے مطابق کولمبو پہنچنے والے پہلے گروپ میں شاداب خان، رانا فہیم اشرف، وسیم جونیئر اور سلمان مرزا شامل ہیں۔ اس کے علاوہ قومی ٹیم کے ہیڈ کوچ مائیک ہیسن، باؤلنگ کوچ ایشلے نوفکی، فیلڈنگ کوچ اور سپورٹ اسٹاف کے دیگر ارکان بھی اسی گروپ کے ساتھ کولمبو پہنچے ہیں۔

پاکستانی ٹیم کے دیگر کھلاڑی اور سپورٹ اسٹاف کے ارکان 5 جنوری کی سہ پہر لاہور سے کولمبو کے لیے روانہ ہوں گے، جس کے بعد قومی سکواڈ مکمل ہو جائے گا۔