سابق جسٹس سید منصور علی شاہ کے صاحبزادہ کی دعوت ولیمہ، اعلیٰ شخصیات کی شرکت
Web Desk
4 January 2026
سپریم کورٹ کے سابق سینئر ترین جج جسٹس سید منصور علی شاہ کے صاحبزادے ابراہیم شاہ کی دعوتِ ولیمہ کی تقریب لاہور کے فلیٹیز ہوٹل میں منعقد ہوئی، جس میں اعلیٰ عدلیہ کے موجودہ و سابق ججز، سیاسی رہنماؤں، وکلا اور سماجی شخصیات کی بڑی تعداد نے شرکت کی۔
تقریب میں سپریم کورٹ کے جسٹس ملک شہزاد احمد خان، چیف جج گلگت بلتستان سردار شمیم، لاہور ہائیکورٹ کے جسٹس صداقت علی خان، جسٹس فیصل زمان خان، جسٹس شاہد کریم، جسٹس مرزا وقاص رؤف، جسٹس ساجد محمود سیٹھی، جسٹس جواد حسن، جسٹس امجد رفیق اور جسٹس اسجد جاوید گھرال شریک ہوئے۔ اسلام آباد ہائیکورٹ کے جسٹس بابر ستار نے بھی تقریب میں شرکت کی۔
دعوتِ ولیمہ میں سپریم کورٹ کے جسٹس ریٹائرڈ خلیل الرحمن رمدے، سابق چیف جسٹس تصدق حسین جیلانی، سابق چیف جسٹس آصف سعید کھوسہ، سابق چیف جسٹس عمر عطا بندیال، جسٹس ریٹائرڈ منظور احمد ملک، سابق چیف جسٹس یاور علی، جسٹس ریٹائرڈ اطہر من اللہ، لاہور ہائیکورٹ کے جسٹس ریٹائرڈ شمس محمود مرزا، جسٹس ریٹائرڈ شیخ نجم الحسن اور سینیئر ایڈووکیٹ سید معظم علی شاہ بھی موجود تھے۔
تقریب میں سابق صدر لاہور ہائیکورٹ ایڈووکیٹ ابوذر سلمان خان نیازی، وفاقی وزیر خزانہ اورنگزیب، سینیٹر علی ظفر، سلمان اکرم راجہ، سینیئر ایڈووکیٹ عرفان قادر سمیت دیگر سیاسی و سماجی شخصیات نے بھی شرکت کی۔
شرکاء نے نومنتخب جوڑے کے لیے نیک تمناؤں اور خیرسگالی کے جذبات کا اظہار کیا، جبکہ تقریب خوشگوار اور پُروقار ماحول میں منعقد ہوئی۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026