کراچی: سی ویو پر میراتھن ریس کا انعقاد، 25 ممالک سے ہزاروں رنرز شریک
Web Desk
4 January 2026
شہرِ قائد کے ساحلِ سمندر سی ویو پر عالمی معیار کی میراتھن ریس کا شاندار انعقاد کیا گیا، جس میں دنیا کے 25 مختلف ممالک سے تعلق رکھنے والے 7 ہزار سے زائد رنرز نے شرکت کی۔ اس بین الاقوامی اسپورٹس ایونٹ نے کراچی کو ایک بار پھر مثبت سرگرمیوں کا مرکز بنا دیا۔
رنگا رنگ میراتھن میں مردوں، خواتین اور بچوں نے بڑی تعداد میں حصہ لیا، جبکہ مختلف عمر کے افراد کی شرکت نے ایونٹ کو مزید منفرد اور یادگار بنا دیا۔ منتظمین کے مطابق ریس کو چار کیٹیگریز میں تقسیم کیا گیا تھا، جن میں 42، 21، 10 اور 5 کلومیٹر کے مقابلے شامل تھے۔
پہلے مرحلے میں فل میراتھن (42 کلومیٹر) اور ہاف میراتھن (21 کلومیٹر) کی دوڑ منعقد کی گئی، جبکہ دوسرے مرحلے میں 10 اور 5 کلومیٹر کی ریسز کروائی گئیں۔ میراتھن کا آغاز اور اختتام سی ویو پر واقع نشانِ پاکستان سے ہوا۔
ریس کے دوران سکیورٹی کے فول پروف انتظامات کیے گئے تھے، جبکہ شرکاء کی سہولت کے لیے میڈیکل کیمپس اور ریفریشمنٹ پوائنٹس بھی مختلف مقامات پر قائم کیے گئے۔ منتظمین کے مطابق کراچی میراتھن کا مقصد عوام میں صحت مندانہ طرزِ زندگی کو فروغ دینا، جسمانی سرگرمیوں کی اہمیت اجاگر کرنا اور مثبت سماجی سرگرمیوں کو پروان چڑھانا ہے۔
شہریوں نے کامیاب میراتھن کے انعقاد کو خوش آئند قرار دیتے ہوئے امید ظاہر کی ہے کہ مستقبل میں بھی ایسے بین الاقوامی اسپورٹس ایونٹس کا تسلسل برقرار رکھا جائے گا۔
متعلقہ عنوانات
ویمنز ایمرجنگ نیشز ٹرافی: پاکستان کی سکاٹ لینڈ کیخلاف شاندار کامیابی
22 November 2026
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
محمد عباس رواں سال ٹیسٹ کرکٹ میں سب سے زیادہ وکٹیں لینے والے بولر بن گئے
21 November 2026