انجلینا جولی کا فلسطینی پناہ گزینوں کیلئے رفح کراسنگ کا دورہ
Web Desk
3 January 2026
ہالی وڈ کی معروف اداکارہ اور اقوامِ متحدہ کے پناہ گزین ادارے (یو این ایچ سی آر) کی سابق خصوصی نمائندہ انجلینا جولی نے غزہ میں داخلے کے لیے رفح کراسنگ کے مصری حصے کا دورہ کیا، جہاں انہوں نے مصری ہلالِ احمر کے ارکان اور انسانی امداد لے جانے والے ٹرک ڈرائیورز سے ملاقات کی۔
ذرائع کے مطابق انجلینا جولی نے یہ دورہ مصر منتقل کیے گئے زخمی فلسطینیوں کی حالتِ زار کا جائزہ لینے اور غزہ کے تباہ حال علاقوں میں امدادی سامان کی ترسیل کے عمل کو دیکھنے کے لیے کیا۔ مصر کی جانب سے رفح کراسنگ کے ذریعے غزہ سے آنے والے متعدد زخمیوں اور پناہ گزینوں کو قبول کیا گیا ہے، جنہیں طبی اور انسانی امداد فراہم کی جا رہی ہے۔
دورے کے موقع پر انجلینا جولی کے ہمراہ امریکی محکمہ خارجہ کا ایک نمائندہ، شمالی سینا کے گورنر اور مصر کے وزیرِ امیگریشن بھی موجود تھے۔ وفد نے بین الاقوامی انسانی امداد کی کوششوں، امدادی سامان کی ترسیل اور متاثرہ افراد تک فوری مدد پہنچانے کے لیے مصری اور امریکی اقدامات پر تبادلہ خیال کیا۔
انجلینا جولی طویل عرصے سے انسانی ہمدردی کی بنیاد پر سرگرمیوں کے لیے جانی جاتی ہیں اور وہ ماضی میں بھی مختلف جنگ زدہ اور متاثرہ علاقوں کا دورہ کر کے پناہ گزینوں اور بے گھر افراد کی حمایت کرتی رہی ہیں۔
واضح رہے کہ غزہ کے شہری اسرائیل کی جانب سے جاری دو سالہ جنگ کے نتیجے میں شدید انسانی بحران کا سامنا کر رہے ہیں، جہاں اب تک 70 ہزار سے زائد افراد ہلاک ہو چکے ہیں، جن میں اکثریت عام شہریوں کی ہے، جبکہ بنیادی ڈھانچہ بھی بری طرح تباہ ہو چکا ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026